Ох, види! Околу мене смрт се вее.
На гранките сигурни смртници
Чекаат ветрот да ги погребе.
Со `рѓосан меч циганското сонце ги жигосува,
а раните – есенски дожд им ги полива.
Очајнички обиди на задржување
пред скокот во вечноста.
Ветрот одлучен!
Зелените во работен однос.
Жолтите се спремаат за починка.
Избодените се чипчат,
А кафените од немајкаде
ги донираат своите органи на судбината.
Фото: WARREN BLAKE од Pexels
